7.10.2009

柳橙杏仁蛋糕


嘿嘿!想起來我已經很久沒有做蛋糕、麵包,當看見小肥糖的超讚【柳橙臻子蛋糕】,我竟然心動


為有翻箱倒篋,看看家中有甚麼材料就做甚麼…



只找到杏仁粉及杏仁酒 (Disarnno Orignale Amaretto) ,一不做二不休,改為杏仁主導的口味喔~~



有朋友想見一見我的長條模…



長32CM、闊約7CM、高7.5CM的柳橙杏仁蛋糕




食譜


心得:


我是做一條長條形,在焗至中途,蛋糕中間位置自動爆開口,將橙片推埋一面,我在最初25分鐘測試中心位置很濕,立即換出焗盆,轉用焗架,其實我最初也怕中心位置難熟,我故意將蛋糕條打斜放置(我是夠位打橫來的,好似我性格^__^),等它容易受熱,但最終也要加時及面蓋錫箔紙,好在出來效果很好,我在倒蛋糕糊時先在模內塗上牛油再灑麵粉,脫模用小紋刀,快、靚、正。


買橙時最好挑厚面皮的橙,我沒下橙皮茸,乾脆用糖漬橙片的橙皮切粒便可,而用不完的糖水及糖漬橙,我用冰水調開變成夏日特飲。


因不喜歡太甜及鏡面果膠,將食譜泡柳橙時的糖份減至250g,蛋糕面只掃上糖水及杏仁酒3~4回便可。


27 則留言:

  1. 橙雪芳是我最愛. 這個柳橙我相信同樣愛. 山長水遠, 難道要自己動手才有得吃嗎
    小肥糖及yc讓我的口水還未流完, 妳妳妳。。。
    [版主回覆07/10/2009 09:47:00]小肥糖及yc的柳橙臻子蛋糕不適合你吃,我將糖漬柳橙減50g糖,蛋糕面沒掃太多糖水,也沒掃上橙酒及鏡面果膠,只薄薄掃上杏仁酒,你可以吃多兩件,唔好用口水,用雙眼 ^___^

    回覆刪除
  2. 呀, 終於見到你這個長身蛋糕, 你話中間爆起一大條, 向邊樹??? 你這個做得好靚呀!  個份量都好大播. 我都想做, 但要先買酒.  另外, 我吾打算加糖橙皮, 因為吾多覺眼有淨橙皮.  Jenny, 反正你吾瞓, 点解吾整呢??? 實消耗得晒播! 我呢就怕食吾晒, 因為冇同事幫口啊!
    [版主回覆07/10/2009 10:01:00]君不見我只拍攝右面,0米在左面中間自動爆開口,將橙片推埋一面,我在最初25分鐘測試中心位置很濕,立即換出焗盆,轉用焗架,其實我最初也怕中心位置難熟,我估意將蛋糕條打斜放置(我是夠位打橫來的),等它容易受熱,但最終也要加時及面蓋錫箔紙,好在出來效果很好,我在倒蛋糕糊時先在模內塗上牛油再灑麵粉,脫模用小紋刀,快、靚、正。
    我沒有加橙茸,而橙皮是將糖漬橙片的橙皮切粒便可,我兩個橙去用不完,因我買時是橙挑厚面皮的橙。

    回覆刪除
  3. 咦, 小三, 32x7x7.5???????? 好細吓咋播, 7cm 闊???? 有D咁窄身嘅模??   yc 做到兩條, 難到 yc 那些又係細模????
    [版主回覆07/10/2009 10:09:00]小肥糖的配方剛好做一條,我有一條正常尺寸的牛油蛋糕模,唔記得放在那一個位置,反正一個唔夠放,0米找出這個我本來想用來做果凍的蛋糕模囉!模是厚料,是我在"夜冷店"尋來的,想要多一個都沒有。
    你.......32x7x7.5不少了,切片入口容易,個模有些少梯形,下窄上闊少少,所以脫模容易!

    回覆刪除
  4. 哈哈, 小三你個模咁長嘅, 隻碟都放唔晒. 我個模肥仔d, 有11.5cm闊, 長就得21cm.
    [版主回覆07/10/2009 10:11:00]你人比我高,蛋糕會是扁身,我個蛋糕高過你(蛋糕)囉 ^0^

    回覆刪除
  5. 橙味野我都好鍾意食,留番d比我食
    [版主回覆07/11/2009 09:55:00]太遲了,下次啦!
    我本來沒打算將蛋糕擺上枱,但見PH想見一見我個模,
    所以有上菜…

    回覆刪除
  6. 橙味蛋糕我也好少嘗試吃
    充滿夏日感覺
    出來效果好吸引
    我也心動動添
    Shirley
    [版主回覆07/11/2009 09:56:00]心動不如行動
    但我常心動不行動

    回覆刪除
  7. Mee ...... MeeMoreMore2009年7月10日 上午10:54

    好靚wow~~~~
    [版主回覆07/11/2009 10:10:00]入得0黎要自己招呼自己,自便啦!

    回覆刪除
  8. 哈哈! 杏仁橙子是我最愛的組合,  小三, 無三不成理, 我要吃三片! 我做重奶油蛋糕時, 怕它爆的不如我意,  在烤個20分時拿出來,  用小刀在中間替它開一刀, 它就會乖乖地由那兒裂開, 後來看到一本日本人出的法式甜點書中也有這麼教,  呵呵, 真是英雄所見略同.  但是你這上面放了糖橙片的要如何避免它爆的不乖,  嗯,  建議你上ytower的fdmw 找Alaskan, 老哥進來貪玩的厲害,  都很久沒替我們解惑了.
    [版主回覆07/11/2009 10:14:00]哈哈!我上次追著Alaskan大哥比PIZZA食譜,還沒交功課,今次…
    嘿嘿!他一定會以為我是來討債的…

    回覆刪除
  9. 靚到可以拿去買, 好想食...怎樣做架???
    [版主回覆07/11/2009 10:15:00]軒軒乾媽,有食譜架,你再看清楚

    回覆刪除
  10. 真係好耐冇見妳出手了, 整得好靚呀, 我d杏仁粉都可以考慮這樣去貨!!
    [版主回覆07/11/2009 10:17:00]夏日炎炎正好眠

    回覆刪除
  11. 回Ph, 妳在放暑假所以可以講風涼話. 我手頭沒有合適的材料, 就算我唔瞓都途呼奈何. 妳硬係要我 完又 . 最近很忙, 忙着同家人朋友吃完一餐又一餐的summerlicious特餐. 有一間連相公都要encore的. Oh, 我忘了妳對西餐無セ興趣 小三, 謝謝租地.
    [版主回覆07/11/2009 10:19:00]只要買兩個橙,再買臻子粉或杏仁粉或mix都得架,其餘材料你應該有唔少存貨

    回覆刪除
  12. 買相好,又好吃。
    [版主回覆07/11/2009 10:20:00]入得0黎要自己招呼自己,自便啦!

    回覆刪除
  13. 唔知點解我用親杏仁粉整蛋糕都發唔起, 唔知係咪D杏仁粉太粗?粗到過唔倒篩…
    [版主回覆07/11/2009 10:28:00]我自從有次將杏仁粉過篩過唔倒,一氣之下,從此不過篩,最多有大粒少少的就壓一壓碎。
    不過" sweetie心甜 "的杏仁粉比" 二記 "粉碎一些

    回覆刪除
  14. 哈哈哈, 咁你個夜冷模係宙珍呀嗎, 不過就係宙珍, 所以應該好cute. 呵, 用糖漬橙皮切粒都可以, 咁又好喎, 多謝你教路, 我個人死古古, 吾識轉灣架播   我包榛子粉要清貨喇, 睇準天氣至郁手.  亞 Jenny, 冇料咪去買料囉, 吾買料又点有得食, 又点可以似小三咁搵乜有乜呢???   自家做, 可以減糖, 食少少的"兩口"(兩口, 吾係兩件), 就夠滿足呢 不過咁, 你近期忙於食, 怕定有太多美食落肚, 所以你冇乜時間食自家野.
    [版主回覆07/11/2009 10:36:00]因我家材料是有的有,沒的就沒有,買買埋埋一大堆,你都知我是烏龍鬼,經常在開壇前找東西,找不到便收工,今次是好彩齊料,做啦!做啦!
    哈哈!本來想反駁你,因之前都沒約甚麼飯局,只是家中夏天不適宜開壇作法,但偏偏這幾天卻集中有飯局,比你開口中

    回覆刪除
  15. 我都係依家都唔過篩喇:p 有唸過自己再打醉d, 屋企有部機唔知係咪可以磨野, 未用過:p
    [版主回覆07/12/2009 00:25:00]如果磨唔倒可以用傳統方法,用玻璃瓶輥,你只需挑出大粒的杏仁再磨碎,其餘不用過篩都可以

    回覆刪除
  16. 夏天吃柳橙蛋糕最開胃. 
     
    個模修長的身段比一般9"x3"的大笨模討好得多.  容易脫模嗎?
    [版主回覆07/12/2009 00:44:00]我在倒蛋糕糊時先在模內塗一層薄牛油,再灑麵粉,脫模用小紋刀,快、靚、正。

    回覆刪除
  17. 是你做的嗎?
    [版主回覆07/12/2009 00:44:00]是

    回覆刪除
  18. 嘩嘩嘩!口水流晒出來啦!
    難唔難做架?我都想試吓,有無recipe?
    [版主回覆07/12/2009 00:46:00]你click入食譜位置就有recipe,然後再看我寫的心得照做。

    回覆刪除
  19. kc與卓卓都不愛蛋糕,所以即使我肯整,也只有自己承包,唯有望梅止渴,看完妳的蛋糕當有份食落肚。
    [版主回覆07/12/2009 00:48:00]他們哥兒倆平時喜歡吃甚麼零食?

    回覆刪除
  20. VERY GOOD!~~~^_^
    [版主回覆07/12/2009 00:48:00]謝謝你的好介紹

    回覆刪除
  21. 橙皮好苦喎? 齋用橙肉唔係好啲咩???
    [版主回覆07/12/2009 00:41:00]西式的蛋糕、麵包很多時會加入橙皮茸(粒粒),而橙皮多數會用糖漬處理,所以唔會苦。

    回覆刪除
  22. (Empty)
    [版主回覆07/12/2009 00:49:00]入得0黎要自己招呼自己,自便啦!

    回覆刪除
  23. 話是話呀!都好有一排矛見你郁手嚕~ 哈....唔聲唔聲,嚇我一驚!靚呀~

    回覆刪除
  24. 你經常整些美食引人, 都沒有我的份兒試食.
    [版主回覆07/14/2009 17:24:00]有,起碼你都食過小三老婆餅

    回覆刪除
  25. 大嗰位逢零食都no,細嗰個大部份都yes,尤其凍食!
    [版主回覆07/14/2009 17:27:00]正常,大爺注重健康,少爺注重口福,夏日炎炎當然凍食優先啦!

    回覆刪除
  26. 又引我流 囉...呵呵

    回覆刪除
  27. 正wo^~^good!!!
    [版主回覆07/31/2009 16:08:00]你是皇子,幾時做了童子軍,日行一善
     

    回覆刪除