7.27.2009

土製菠蘿@月餅糖漿

今天是農曆六月初六,還有兩個多月就是中秋佳節,我與好友淑賢在三個月前已經煮了月餅糖漿,因糖漿如醇酒,越久越香醇…




加入綿糖覆蓋著菠蘿,



泡它8~10天(視乎天氣溫度),看見菠蘿通透,也嗅到菠蘿~~香中帶酸,



將菠蘿用手揸乾汁液 (菠蘿去皮、切粒,存放於雪櫃,可作其他用途)



將菠蘿糖水加入清水拌勻煮滾,



然後轉中火煮至冒出泡泡,再調低火力,



至濃稠適中,中途要攪拌以免糖漿黏底,大約1.5~2小時(我由兩煲熬至一煲)熬至糖漿比拌西多士的糖漿稍為稠身



將糖漿放入玻璃罐內攤凍,置室溫最少2~3個月才使用,每年留起一些糖漿作老漿(種),以便下個年度加入新糖漿內混合,糖漿越久越好,存放得宜,可以放幾年,但不可沾水,當發現存放的糖漿【翻生】呈糖粒狀,可以放回鍋內再熬成糖漿。


因配方是上山學藝得來的,是我朋友不要難為我,


不當我是朋友的,我又不雖理會喔~~~


 


32 則留言:

  1. 嘩, 滴滴都係精華所在呀~~
    嗯, 有pineapple既~~會唔會有香味呢?? hee heee~
    [版主回覆07/28/2009 16:44:00]我喜歡聞檸檬味糖漿多d

    回覆刪除
  2. 倘若我不是住得離妳家咁遠, 我一定過來【偷】啫 . 咁多功夫我做不來呵.
    [版主回覆07/28/2009 16:46:00]你住得近一定後悔,我好友家的雪櫃及枱底成了我們的巢穴。

    回覆刪除
  3. 三捕頭 何故要把鳯梨皮也下去一起泡?  願聞其詳-hai Jenny 所言甚得海心.     熬太費事, 偷的才香!
    [版主回覆07/28/2009 16:48:00]連皮泡,香味更濃,我煮檸檬糖漿也是連皮下的…
    你們是一窩~~~蛇鼠

    回覆刪除
  4. 乜月餅要用糖漿?

    回覆刪除
  5. 好認真的糖漿。
    [版主回覆07/28/2009 16:50:00]是如假包換的糖漿,絕不賣假貨

    回覆刪除
  6. 佩服妳這般心思,這樣妳家中的床底有好多寶貝呀!!
    [版主回覆07/28/2009 16:52:00]哈哈!有位住得不太遠的朋友比較遭殃囉!

    回覆刪除
  7. 我們(包括tahai, ph同亞嬋)當然不會為難妳啦. 所以我建議妳繼續煮多啲, 我們自行拿取(偷), 妳十八相送更是無任歡迎.

    回覆刪除
  8. 我唔係想難為你.不過乜都唔識大鄉里的我想問下用來做咩架?
    [版主回覆07/28/2009 16:55:00]你乜都唔識大鄉里不打緊,
    但你沒看我寫的標題就"抵"打

    回覆刪除
  9. 好勁啊! 我都開始要整糖漿啦!!!!
    [版主回覆07/29/2009 00:38:00]Bonnie,
    要快手煮啦!只餘下 2個月,你八月的新動向是…

    回覆刪除
  10. 我當然有睇啦. 我只係唔知點樣用係月餅度.

    回覆刪除
  11. 用來搓餅皮? 用來差連蓉? 同埋咩叫做綿糖呢?
    [版主回覆07/29/2009 00:44:00]用來搓餅皮,
    綿糖比砂糖幼細,但比糖粉粗

    回覆刪除
  12. 月餅有菠蘿味,好特別喎
    [版主回覆07/29/2009 00:41:00]我今年是第一次煮月餅糖漿,要看出來的效果如何。

    回覆刪除
  13. 你以往做的月餅皮用什麼糖漿??? 你真係越黎越......連糖漿都自己動手做, 睇怕你今年D月餅會超好味. 可惜我們位得遠嘅冇口褔 . Jenny, Tahai, 偷糖漿有什麼用???? 一於學我坐享其成, 等小三月餅出爐才去 偷偷偷 , 要多少偷多少嘛
    [版主回覆07/29/2009 21:44:00]我一向是在買餡的地方買埋月餅糖漿,那裡的糖漿非常靚,
    而菠蘿糖漿是年初學的,我都未試過,
    不知會否與我往年的效果相若,今年是白老鼠,
    是福是禍都唔知架~~
    jenny , tahai 是好學的學生,學了長做長有。

    回覆刪除
  14. 孤陋寡聞魚來也︰
    其一是不知月餅要用糖漿?
    其二是不知糖漿要加鳳梨?
    其三是不知糖漿竟如美酒,越久越醇?
    其四是不知糖漿也有老種?
    看一篇貼文就獲取了四種知識
    不用偷來糖漿,空心的稻草魚已經肚滿腸肥了
    [版主回覆07/29/2009 21:49:00]其二是不知糖漿要加鳳梨 ?
    這只是其中一款月餅糖漿,還有其他配方的製法

    回覆刪除
  15. all prepared... yeah.... I have not seen the molds you told me to get for you ah.  Will be going to Kuala Lumpur next month, maybe they have it there
    [版主回覆07/29/2009 21:54:00]mommy,
    我的一句說話,要你掛心那麼久,是我的罪過

    回覆刪除
  16. 嘩, 糖漿的色澤好靚呀, 睇下集咪要等2個月.....
    [版主回覆07/29/2009 21:57:00]最起碼都要等過多月啦!

    回覆刪除
  17. ph, 妳棋差一着. 當月餅出爐時有四大護法(一)A moon(二)yc(三)李小六(四)小三把守, 妳是飛簷走壁都難入. 再者, 有小魚兒近水樓臺. 妳這坐享其成的算盤打不嚮喇, 還是亞嬋聰明, 靜觀其變~~無哂聲氣嘅
    [版主回覆07/29/2009 21:58:00]我路過…是關ph事

    回覆刪除
  18. jenny
    請放一萬個心
    小魚雖然近水樓台,但卻不會先得月
    因為小魚從不吃傳統月餅,
    如果小三來一桌海鮮宴,你們才要防魚入侵吧
     

    回覆刪除
  19. 我在八月二十日才回港, 但現在通訊發達, 我們可以繼續溝通無障礙!
    [版主回覆07/31/2009 01:34:00]八月二十日才回港,好一個悠長假期

    回覆刪除
  20. jenny, ph, 偷糖漿, 不如偷月餅. 偷月餅, 不如偷月餅模.   魚兒 我強烈懷疑你是披著魚皮的貓. 路過三 我去年是頭一回做廣式月餅, 用的是自己熬的檸檬轉化糖漿,  今年若要學你這招, 就得在下鄉期間做了,才能一氣呵成, 而且才有一些陳化的時間.  泰國有二種鳳梨, 一種是Sriracha,  甜美多汁, 如你所用.  另一種是 Phuket, 濃香肉脆但汁少.  也許我該用S 的肉 + P的皮來做?!
    [版主回覆07/31/2009 01:47:00]下鄉海,
    我很喜歡檸檬轉化糖漿的清香糖味,而鳳梨是以當時菜市場有甚麼貨式便買甚麼菠蘿為重點,我做月餅一向是在街外買回來,今年是我第一次DIY轉化糖漿 要等多一個多月才知道效果

    回覆刪除
  21. 已經開始有月餅製作啦
    時間真的過得好快
    一年一度中秋節又來啦
    期待看到小三月餅製作
    大家努力啊
    Shirley
    [版主回覆07/31/2009 01:52:00]還有兩個多月就是中秋佳節,時間過得真快~~

    回覆刪除
  22. Jenny , 四大護法???個三大護法仲吾攞住D月餅返自己屋企咩.  咁咪即係得番小三一個人, 況且, 話明係偷, 緊係吼佢地吾為意嘅時候落手啦 大海 , 原來你比我還強, 偷模 .  你是否指連月餅, 連模一齊偷呀???? 偷模有何用???我都吾會做月餅. 你做給我吃??? 小三, 你今次又係咪路過, 偷你嘅模, 吾關你事咩????
    [版主回覆07/31/2009 16:02:00]Ph,
    我唔怕大海偷,偷得越多日後要還得越多,她~~~
    一定不會亂來的,放心!

    回覆刪除
  23. ph , 小三幾時都咁眉精眼企, 佢咁大擔心機, 點會唔睇實丫. 妳又唔係好似小三咁夜貓子. 小三眼都未郁 , 妳已經打哂 咧. 等得妳嚟, 我哋咪無啖好食? 我都係等tahai化算多.
    tahai , 係喎, 偷模要偷埋食譜. 咁我等妳架
    小三 , 來到妳家遇到咁多好友. 唔捨得走添.
    [版主回覆08/01/2009 02:16:00]0甘你是否打算唔去旅行
    祝你旅途愉快!

    回覆刪除
  24. Jenny , 咁呀, 我都係去 覺豬, 留番比 大海 一個人去做喇 , 大海 係咪今個中秋動手呢??? 小三 , 你不如去開個好朋友天地, 等你的好朋友可以隨意入去亂up 一倫啦, 我相信這個小天地一定好熱鬧.
    [版主回覆07/31/2009 16:05:00]我會考慮你的建議,開一個小天地,叫~~~
    兒童樂園  

    回覆刪除
  25. 幾時有得食呢?我今年都係無乜時間做喇.
    [版主回覆08/01/2009 02:19:00]你除了我認識你那一年,你之後年年都話唔做架啦!
    唔該,我要三個冰皮,要綠豆餡唔要奶皇餡

    回覆刪除
  26. Jenny, Ph 你倆一開心就廣東話全出, 把我看得 ,  只能猜出七成.  不外是你坐享(ph 乾脆 躺享)其成,  只等 歹命-hai 動手吧?    說到偷模有何用?  有ㄚ!  可以當成防身武器. 小三 哈哈,  我有主意,   你那菠蘿肉製成餡, 加上菠蘿香糖漿做皮.  就成了 Double Pineapple Moon Cake, .   我小時滿愛吃菠蘿月餅.
    [版主回覆08/01/2009 02:26:00]大海,
    等你出主意,菠蘿已經…為餅捐軀,已經化作失敗的"鳳梨酥"餡料,塵埃落定,而失敗在於我們在煮餡時出錯,出來的味道與鳳梨酥不相配,有機會會再作研究。

    回覆刪除
  27. 甘快就要預備囉...期待你的大作.
    [版主回覆08/01/2009 23:08:00]哈哈!一定會~~~~令你失望!
    因為希望越大,失望越大喔~~

    回覆刪除
  28. 兒童樂園~好主意. 我最著數, 帶同三個孫報名.
    tahai, 看唔明? 我保証, ph沒有說【是非】
    小魚兒, 小三或有冰皮月餅. 妳留神喇.
    [版主回覆08/01/2009 23:13:00]冰皮我都要向獨角仙打主意

    回覆刪除
  29. 大海︰ 弊!被人識破了 ,日後我如何再出擊?
    Jenny︰ 你好細心呀,知道冰皮月餅啱我

    回覆刪除
  30. 哇, 實在好多心機, 2009年陳釀.........糖漿!!
    [版主回覆08/08/2009 00:02:00]我還有2008年的珍藏,打算拍賣,你~~~~投唔投呀?

    回覆刪除
  31. 我比人偷左編blog, 你要小心D! http://hk.myblog.yahoo.com/smile_at_wing/article?mid=929

    回覆刪除