風再起時，又是吃蛇羹的好季節了，
我一向喜歡吃蛇羹，所以今年秋風未起，已經預訂定一圍蛇宴與好友分享，
太史五蛇羹三窩
，加入薄脆，百吃不厭
紅棗香栗扣全鴨
鴨身內藏紅棗、栗子，入口鬆化及有當歸紅棗香味
鮮竹五蛇卷，每人有兩件
烏雞淮山響螺燉三蛇湯，飲完個湯，全身都暖燙
陳皮豉汁蒸大鱔，主角是陳皮及豆豉，大鱔是大配角
枝竹羊腩煲，我主力是吃枝竹，如果有馬蹄就更加好
椒鹽焗中蝦，做得夠乾身，味道勝去年
蛇湯浸時蔬，
當然會有吃蛇羹不能缺少的臘味糯米飯
這個蛇宴的幕後黑手，不！是高手才對，他就是我的素菜及混醬的老師~~~~
尤瑞昌師傅，師傅，你幾時有空過二招給我，我想學紅棗香栗扣全鴨呀！
Delicious!!!! I HEARD all about it ..... love that 太史五蛇羹!
回覆刪除[版主回覆12/05/2008 00:23:00]知道你就快有得食啦！
碟碟都好正, 除咗"魚"! 天氣轉冷, 好想食糯米飯啊!!!!!!!!!!加些蝦錄, 再送碗熱辣辣嘅蛇羹, 超正的晚餐, 食到飽飽最好就"捐"上床搵周大人喇
回覆刪除[版主回覆12/05/2008 00:23:00]一樂也！
好味呀...唔該晒小三~~
回覆刪除[版主回覆12/05/2008 00:25:00]我最初怕你吃不慣，後來看見你們吃得津津有味，我都放心些~~
係唔係 o係 太子 ga ? 我每年都陪我bf d 同事去食ga
回覆刪除[版主回覆12/05/2008 00:29:00]我是在佐敦近偉晴街的【群生飲食技術人員協會】吃蛇宴的。
好味呀.
回覆刪除[版主回覆12/05/2008 00:32:00]是好好味架！因所有蛇宴一早full，我打算在蛇宴結束前久不久"拱"上去群生買碗蛇羹暖吓胃
蛇））））？ 咪搞。。。有0甘遠走0甘遠，嚇死我喇！！！
回覆刪除[版主回覆12/05/2008 00:34:00]嘿嘿！少個人爭
回覆刪除紅棗香栗扣全鴨 ,我都想食!
[版主回覆12/05/2008 00:36:00]看見相片都流口水，隻鴨由外至內都是入口鬆化，很喜愛那股紅棗栗子味
真係未試過食蛇......
回覆刪除[版主回覆12/05/2008 00:37:00]你未食過都應該做過掛~~~~大懶蛇
下次帶埋我啦
回覆刪除[版主回覆12/05/2008 00:39:00]你會吃蛇羹？？
蛇湯浸時蔬好正呀
回覆刪除[版主回覆12/06/2008 17:28:00]清清地，唔錯架！
樣樣都係我鐘意的(Ph唔同我爭的陳皮豉汁蒸大鱔 .) 時間過得真快, 還在回味妳去年的蛇宴, 咁快今年又有得吃.
回覆刪除[版主回覆12/06/2008 17:29:00]0甘使唔使幫你訂定下年蛇宴？
....................... 太喜歡食，恨死我！
回覆刪除[版主回覆12/06/2008 17:31:00]襯現在還有蛇羹食，使唔使幫你買一碗暖吓個胃？
呢餐蛇宴, 勁呀!!!!
回覆刪除[版主回覆12/06/2008 17:31:00]約一日下班去大埔墟再吃過啦！
好耐都無食過蛇宴....引到我流口水........
回覆刪除[版主回覆12/06/2008 17:36:00]唔好流口水啦！
襯現在還有蛇羹食，你去買一碗暖吓個胃吧！
S N A K E?????
回覆刪除R U N N ......
[版主回覆12/07/2008 10:26:00]你同tastebug口味相似，嘿嘿！少個人爭
見到蛇形嘅魚已經怕怕, 係街市經過D賣鱔嘅檔都要運路行, 我只係鍾意食蛇宴果種氣紛.紅棗香栗扣全鴨好吸引啊, 你快D學oY.
回覆刪除[版主回覆12/07/2008 10:27:00]等師傅做完蛇宴，要同佢傾一傾吓！
好美味呀！可惜中醫吩咐我唔好食鴨、蛇、羊、鱔，哈哈，所以你餐蛇宴，對於我來說，只是得個睇字。
回覆刪除[版主回覆12/07/2008 10:29:00]身體最重要，唔怕！我幫你食埋呀！
天氣開始凍...你就四圍引人~ 飯聚!!
回覆刪除[版主回覆12/07/2008 10:30:00]每年的年尾及年頭，都是與一些平時少見面的朋友約會飯局，聯誼會嘛！
你就好啦...甘多好嘢食, 好衰架..攪到人流晒
回覆刪除[版主回覆12/07/2008 10:33:00]你都唔少美食呀！又有那麼多的瓜瓜菜菜收成，看得我很羨慕
我都好鍾意食.. 再加多少少lemon葉,仲正!!
回覆刪除[版主回覆12/07/2008 10:35:00]現在吃蛇宴已經沒檸檬葉絲跟了，我怕他朝連薄脆都不保，說真的，很懷念沙士之前的【蛇宴】，全部用新鮮蛇肉
每一樣菜都好好吃ㄋㄟ!
回覆刪除蛇,我只喝過一次湯,而且是在不知情的狀況下喝的.
[版主回覆12/07/2008 10:45:00]台灣的侄兒因從少沒看過及吃過，所以很抗拒蛇羹，其實蛇羹是非常美味，如果沒感冒或身體其它不適，吃一碗齒甲留香(因有果皮)，全身溫暖，但現在坊間的蛇羹店舖，一代不如一代，上一代教了新一代來掌廚，每每急功近利，時間及材料都欠奉，吃真一碗真材實料的蛇羹都越來越難找了，你甚麼時間過境，在冬天帶你去吃一碗吧！
小三ㄚ小三 這一圍蛇宴我看了3天, 才决定由那蛇湯浸時蔬下箸, . 你師傅的紅棗香栗扣全鴨, 陳皮豉汁蒸大鱔, 看來就正點哪!
回覆刪除[版主回覆12/07/2008 10:48:00]其實我怕師傅應允教導時，我也沒把握做得好
現在天氣就最適合就是吃暖粒粒食物
回覆刪除蛇羹材料好豐富
我看到有好大隻蝦及鱔啊
好滋味啊
多人一起吃真的好熱鬧
Shirley
[版主回覆12/10/2008 22:34:00]一班朋友一起吃東西，一樂也！
OH！小三！你呢個蛇宴好正呀！
回覆刪除因為爸爸愛吃的關係，我們一家年年都必去飲食工會食一次架
不過水準好似無你呢個咁正喎
起碼就無紅棗香栗扣全鴨喇
還有那蛇湯浸時蔬看上去沒有太多油
good呀！
[版主回覆12/10/2008 22:40:00]我家全部女將都喜愛吃蛇羹，我每年都會去工會食蛇宴，每個工會都各有千秋，我有空時也會跑入大埔墟吃蛇羹，是冬天最愛吃的食品
講起椒鹽.....我有一次叫椒鹽豬扒.... 不嬲椒野都係乾身嫁啦~係咪?! 都唔知點解可以整到汁既~~ 我問番侍應....佢話:椒鹽呀嘛~~~岩呀!!!
回覆刪除真係諗唔問~好失望
[版主回覆12/10/2008 22:41:00]哈哈！可能比錯茄汁豬扒給你呀！
妳要俾心機，拜呢位師傅學藝呀，佢喺一等一嘅扣燉高手！ 蛇羹配熬湯老鷄絲。蛇湯用搪瓷陶泥大燉盅，燉到入心入肺。栗子扣全鴨蒸到皮軟肉不散。 冇番十年八載功力，點夠資格做飯聚首腦！
回覆刪除[版主回覆12/11/2008 17:14:00]哈哈！每當秋風起，師傅肥，所有烹飪班都停辦，我要比些壓力師傅先，等他沒藉口推搪
小三~
回覆刪除道道看起來香噴噴
色香味美~但是..蛇....有點令人害怕ㄟ!!
不過我爸也說過蛇很好吃很養顏的
大開眼界嘍..
祝萬事順心!
[版主回覆12/11/2008 17:21:00]很可惜呢！自從沙士之後，香港已經沒有新鮮蛇肉做蛇羹
而蛇羹是要加入很多藥材，絕不簡單，有很多功效，是由廣州發揚光大，每當秋風起，我就會四出找蛇羹吃
E?咁宜家唔用鮮蛇肉的嗎？我真係唔識…我只係識得開口…食．．
回覆刪除咁宜家用咩的？冰鮮蛇肉乎？！
[版主回覆12/14/2008 13:11:00]除非有食店用走私蛇肉，否則香港都是用雪藏貨
我並不是識食之人,以上的佳肴我有那碟糯米飯已很滿足了!
回覆刪除[版主回覆12/14/2008 23:59:00]天氣寒冷，比多碗烏雞淮山響螺燉三蛇湯給你及"松果"暖胃
我愛加檸檬葉呀~~很香很好吃呢~~:p~~~
回覆刪除已看見moon哥吃的蛇羹了... 但我唔敢再食... 住呀!! 你去左我介紹你的蛇羹鋪未呀？？？
回覆刪除我昨天在大圍吃了一席, 可能各工會, 各有千秋, 除酒水足外, 菜譜一樣, 但全不精彩, 只是一般之下
回覆刪除