6.21.2008

懷舊菜@得龍大飯店

昨晚拜訪了一間位於工廠臨立的新蒲崗,逾40年歷史的老牌食店。。。得龍大飯店。。。主打懷舊菜式,以最傳統的方法處理。



金錢雞(需預訂)~~~先以白糖玫瑰露醃製肥豬肉,切成金錢狀後,連同醃好的揀手黃沙雞潤及梅頭肉串燒烤熟。



佛跳牆(需預訂,因我們人多,此為特大)



材料豐富,有竹絲雞、豬肉、金華火腿、嚮螺、 魚翅、干貝、花膠(魚肚)、枸杞、桂圓。。。等等。



鴨腳包(需預訂)~~~由芋頭、叉燒、燒肉、鴨腳等做餡,再用鴨腸衣包裹燒製而成。



咖哩牛尾(跟蒜茸包)




鍋貼明蝦夾



魚湯蝦乾浸津白,我覺得太鹹了。



大良野雞卷~~將肥豬肉醃上七天至爽口,切成長片狀後放上火腿蓉、豬肉,捲成長筒形放入雪櫃,待硬後才落鑊炸。


蝦醬蒸豬肉,送飯一流,但太多餸菜,難免被疏忽,終於成為我今天的午餐



太爺雞(需預訂)~~~工序繁多的菜式之一,必先將雞浸鹵汁三小時,取出待涼後將其煙燻至熟,食時蘸以薑蔥蓉同吃,香嫩無比。



原籠金蒜糯米蟹~~~主角是糯米飯,它將羔蟹的精華及荷葉的香味盡收飯內,一向是我的至愛菜式,但菜式太多,為有只吃兩口,令我引為堪事



砵酒焗桶蠔~~~在2007食神爭霸戰勇奪冠軍



秘製通菜煲


本來店方有甜湯送贈,但因我們已經有三個蛋糕,當然要留肚吃啦!
New York Cheese Cake by catfood



百利甜酒凍餅 by Babyfai



雙層朱古力慕絲 by Babyfai



出席當晚,雖然大部份人我都不認識,但你們卻細心安排,更準備了手信及禮物抽獎,謝謝你們




得龍大飯店


地址: 新蒲崗康強街25-29


電話: 23207020


 


25 則留言:

  1. 我都好想去依間好耐架,不過家人;朋友嫌地方間泄又係工業區專登食一餐呀,而且要多人食要先到多送尤其懷舊送咁肥和膽固醇高.人多野食樣樣可試嘛,可惜...就係咁就到現今都未試過.好似聽聞係旺角會開分店?
    [版主回覆06/21/2008 22:26:00]我最初又找地圖,及上車先問清楚,要司機到附近時一定要提醒我下車,但想不到我下車後過紅綠燈沒多久就看見它的招牌,所以很順利的找到它。

    回覆刪除
  2. 多謝妳嘅小禮物呀!月頭再食過
    [版主回覆06/21/2008 22:28:00]好!好!再食過,但比時間我個胃消化,我要慢慢食,慢慢拍照的。

    回覆刪除
  3. 咁食法埋單會唔會好甘????

    回覆刪除
  4. 咁食法埋單會唔會好甘????
    [版主回覆06/21/2008 22:23:00]每人二佰元,還有得打包,因今次重點是要試它的鎮店之寶,
    如果三、五知已,可以只選二、三款名菜,再叫一些清淡小菜調節,你去試試啦!

    回覆刪除
  5. 7月底嘅美食聚餐預埋你啦.
    [版主回覆06/22/2008 00:20:00]謝謝你!

    回覆刪除
  6. 小三, 金錢雞好正呀! 小時候吃得最多啊! 那個糯米飯是否真的完整在龍蒸??好味啊!! 我們昨晚出街吃的是......垃圾!!想起都火滾呀
    [版主回覆06/22/2008 00:26:00]因香港近期沒新鮮雞吃,所以金錢雞的雞潤比較實同硬,可能是雪藏貨式。
    我相信是在蒸籠蒸,但應該是先炒至五、六成才放入蒸籠都不定,下次有機會再去食,到時再寫一份報告給你,不要0甘火滾,乖乖,飲杯涼茶消消氣吧!

    回覆刪除
  7. 好懷舊wor, d 野食
    [版主回覆06/22/2008 00:28:00]有空可能三、五知已一起去試試,是不錯的選擇。

    回覆刪除
  8. 嘩, 金錢雞也有得食, 名不虛傳呀, 我都未食過呢!
    [版主回覆06/22/2008 09:50:00]真想不到!你這個澳門食神會沒吃過金錢雞,
    因我第一次吃,是多年前在澳門的【淘淘居】吃一些懷舊點心

    回覆刪除
  9. 啱食都還可呀.唔啱食比朋友或家人鬧死呀山長水遠去食d不外如是食物.所以唔洗諗去依間呀

    回覆刪除
  10. 懷舊菜式 正勾起往事 .   這麼多年已忘了有鴨腳包與金錢雞這回事 .   單是聽到菜單已垂涎三尺 .
    [版主回覆06/22/2008 09:54:00]我都是第一次吃鴨腳包

    回覆刪除
  11. 很多菜色都未聽過...看見已[垂涎三尺]. 看來"鴨腳包"及"原竉金蒜糯米蟹"很好味喎.
    [版主回覆06/22/2008 23:47:00]其實很多菜餚都非常好味道,但我很喜歡吃港式糯米飯,下次回港可以去試試。

    回覆刪除
  12. 謝謝妳的禮物 (我唔敢post出嚟呀), 好實用, 顏色我也愛啊!
    果晚真係食到勁飽, 雖然有數道菜我食得, 但我一樣都食到飽, 捧住個肚走呀!!
    [版主回覆06/23/2008 18:07:00]禮物是限量版。
    我胃不太好,近來常胃脹,下次要先吃消化丸

    回覆刪除
  13. 好多好吃的菜餚唷!  大部分是我沒看過了,我只吃過佛跳牆.
    [版主回覆06/23/2008 18:09:00]這次很多菜我是聽過沒吃過,也是第一次吃喔~~~
    你路過香港時,有空與你品嚐~~~

    回覆刪除
  14.  小三啊:小三;好幸福呀;又食到好嘢;多謝介紹
    [版主回覆06/23/2008 18:10:00]人多才好點菜,人少就要分幾次去詆菜了。

    回覆刪除
  15. 樣樣都好味~尤其是果味金錢雞好吸引~~又食又拿又有禮物﹐好幸福尼~
    [版主回覆06/24/2008 00:04:00]你家近來不停上菜,看了都感覺幸福喔~~

    回覆刪除
  16. "聞名不如見一面",我經常經過見這處見得獎廣告食品.
    我對它的" 鴨腳包"也感興趣,至於那麼多的名菜,還是待有機會了.
    他們的點心也不錯的,至小價錢比酒樓便宜.
    [版主回覆06/24/2008 00:07:00]你是在那區上班或居住嗎?
    我很少到新蒲崗區,在公司附近有【亡命小巴】直達。

    回覆刪除
  17. 好特別 , 我有許多都係未聽過(更加未食過 ). 有間這樣的懷舊飯店真好, 啱我.
    [版主回覆06/24/2008 00:08:00]今回來我帶你去吃呀!

    回覆刪除
  18. 蝦夾, 蟹...都好吸引
    好開心, 感覺好像聖誕節交換禮物及開 party
    Shirley
    [版主回覆06/24/2008 00:09:00]當晚有【嘉年華會】的感覺

    回覆刪除
  19. 小三:
    謝謝你!
    每次經過香港時間都很趕,
    上月去香港辦證件也是早上去下午就回來了.
    [版主回覆06/24/2008 23:45:00]你下次來港辦證,選週末來,早些通知我,找個機會探訪香港。。。

    回覆刪除
  20. You ate all the 需預訂 items, look so delicious.  So fun to meet up with blog friends!!
    [版主回覆06/24/2008 23:59:00]因有些菜式飯店要預先準備,不能隨點隨做,當日有三十人聚會,非常熱鬧,真是很高興,絕對是以吃會友。

    回覆刪除
  21. 以前我都成日去得龍食飯,但很久沒有去了。得龍的菜真係幾好食架﹗
    [版主回覆06/25/2008 00:00:00]找次我們三姊妹,一行五人去食囉

    回覆刪除
  22. 謝謝你!
    下次要經過香港再提前告訴你

    回覆刪除
  23. 我在那區上班,每日放工食飯都經過.有時會成班同事入去食午餐.不過一張大台好多人搭台真係唔多慣.佢既馬拉糕都好好味架.
    新蒲崗區真係好多小巴,巴士就係外圍,唔識唔會覺唔多方便,實際都唔難到.
    [版主回覆06/26/2008 23:12:00]lunch,每區都是要搭枱,是他們的黃金時段,你有沒有在那裡飲過早茶,有沒有一些特別的點心。

    回覆刪除

  24. 介紹得好詳盡啊
    果日卓卓都冇同你好好傾下計添

    [版主回覆06/26/2008 23:14:00]原來你也在場,當晚很多人,我連邊個打邊個都未消楚

    回覆刪除
  25. 我地通常5-6個人坐,一張12人大枱搭枱,分至小4-5批人,因為好多都係一個男人來食,地方比較迫,所以食起上來唔太自在.
    我平時都無咁早去飲荼,今日先望到佢既大中小點分別係$12/$10/$8.真係好抵呀.特別既點心...等我留意下先.

    回覆刪除