今年四月底赴台
我已經開始做月餅當伴手禮
廣式月餅由麵粉、糖漿、生油、鹼水及餡料組合而成
四月十八日，第一次煮轉化糖漿
左邊那瓶是菠蘿糖漿 右邊是買回來的糖漿
自已煮的糖漿味道濃郁，香味四溢
糖漿如醇酒，越久越香醇
左邊那瓶是去年存貨，右邊那瓶是今年新貨
香港有很多店鋪售賣餡料
幸虧從師傅口中找得一間真材實料的老字號
中式餡料可以不用四處張羅
(蓮蓉、白蓮蓉、奶皇、豆沙、金翡翠…等等)
但我很想知道兩者的分別…？？？
某天早上搓皮…幾小時後…兩份麵團，無論顏色、香味各有差異
味濃、味香，月餅都是芬香撲鼻
榮發食品公司
九龍大角咀利得街 14 號地下
電話：23910046
星期一至六 (下午四點前)
因店鋪主要是做批發
買糖漿的朋友，要在上午自攜容器到店鋪
每天賣完即止
後記︰榮發已經搬遷到
大角咀洋松街100號德讚中心8樓D室
後記︰榮發已經搬遷到
大角咀洋松街100號德讚中心8樓D室
而糖漿已經有膠樽裝售賣，非常方便
而糖漿會在中秋節前一個星期停售
最安全就是先致電查詢
祝你們做月餅得心應手
秋風起, 食月餅, 我也想知兩種糖漿邊種香d, 月餅陣味就係來自糖漿 呀!
回覆刪除[版主回覆09/09/2009 23:41:00]你一定有機會嚐試，淑賢會將私伙供獻，而上次我做龜龜月餅時是用菠蘿糖漿.
我猜是鳳梨糖漿更勝一籌, 水果中經高溫加熱後仍帶有濃郁香味的, 一是鳳梨, 一是榴槤. 因為沒人用榴槤煮轉化糖漿, 所以當然是鳳梨勝出. 今年我用檸檬汁煮了轉化糖漿, 加了一粒日本yuzu 增添香味. 效果如何, 另日報告.
回覆刪除(Empty)
回覆刪除[版主回覆09/09/2009 23:46:00](Empty)
你的月餅真係好靚, 有D問題想請教, 我整過豬仔餅, 但係未放入焗爐前個樣仲係好靚, 但係焗完後會扁左及花紋淺左, 問題出係邊度呢, 我好中意食, 又好想整黎送俾人, 但係次次都整得唔靚。
回覆刪除[版主回覆09/09/2009 23:45:00]你沒相片看？我好難估？有機會是爐溫過高，你入爐前有沒有在餅面噴水？
你地好有研究好專業呀~
回覆刪除我想問那間鋪有冇蓮蓉賣添呀?
[版主回覆09/09/2009 23:45:00]有
想問吓咸蛋你係邊處買? 聽人話越南金蛋靚, 知唔知邊處有賣, 唔知港島有冇?
回覆刪除[版主回覆09/09/2009 23:55:00]最靚的越南鹹蛋，一向是美x獨家，而酒樓及餅店會在中秋節前的大半年已經預訂鹹蛋，我都是要到街市買來打開看才知好唔好.
你可以上網搜索，有很多人都DIY鹹蛋，自力更新.
我有一年試過學整月餅，幾好玩，不過勁多步驟，懶人如我還是欣賞妳的心思，然後去坊間買現成的算了。
回覆刪除[版主回覆09/09/2009 23:57:00]我覺得做月餅是易學難精，不算太難.
很巧合呀, 我跟tahai一樣用檸檬煮了轉化糖漿.
回覆刪除tahai, yuzu是什麼東西?
小三, 妳們在香港買材料方便真好.
為什麼菠蘿的糖漿是紅色的?
[版主回覆09/09/2009 23:59:00]我反而想試吓檸檬糖漿的味道，
糖漿的顏色是有些似淺色麥芽糖.
(Empty)
回覆刪除..... ....你真叻呀
回覆刪除[版主回覆09/10/2009 00:00:00]身體好番嗎？
報告小三大人 yuzu轉化糖漿香味不敵海氏棗泥! 還有, 這次糖漿熬太稠了, 好似麥芽糖. 報告jenny 大人 Yuzu 有種明顯而特殊的香味, 它是日本出產的小小粒的綠/黃柚子(其實它和 golf ball差不多大), 日本的柚子醬油就用它, 日本料理中常用yuzu做隱味. 另外, 韓國有名的蜂蜜柚子茶也是它. 報告完畢!
回覆刪除[版主回覆09/10/2009 00:05:00]我很想知道你從前煮檸檬糖漿是要下白醋嗎？
因我在網上找到了一些配方，
今年在華東旅遊時吃過棗泥，好似紅豆及其他餡料好味些.
好鍾意你個模, 好有古典美!
回覆刪除(佢同仙姐個模好似, 但又有少少唔同)
綠色o個"舊"係咪綠茶餡嚟架?
多謝你嘅報料! 唔知今年整唔整到廣式月餅呢
[版主回覆09/10/2009 22:02:00]我個是模是獨角仙送贈的，而同學會已經 full了，
(Empty)
回覆刪除小三，妳好~~ ! 去年看了妳廣式月餅日誌， 一步一步跟著去做，很成功呀 ! 個個都話正 !多謝妳! thanks for sharing~ 今年再來多次! *我都希望所有傳統節日食品，唔好失傳。 原來糖槳自己煮仲好食~~~ aiya早知自己都煮啦~~~ 明年要早啲煮先!
回覆刪除[版主回覆09/10/2009 22:05:00]榮發的糖漿及餡料非常高水準，你用過其他，不妨一試就知曉！
小三，
回覆刪除去年我就係跟妳既資料提供去買，
去咗榮發，鋪頭阿姐話個糖槳係自己煮，好正宗! 啲蓮蓉好香無油溢味，連梘水都向個度買，不過太大支，用唔哂 。 (個蛋黃就係自己醃既)。 所以去年啲月餅，個個食完都話正 ! 今年要早啲幫襯佢先得。
[版主回覆09/11/2009 10:43:00]0甘鹹蛋你要醃多久，我趕唔切醃，你今年做月餅，
要通知我去看看
哦???乜今年A moon 冇份玩月餅???? 唉, 又係我地冇得食
回覆刪除[版主回覆09/11/2009 10:45:00]你收錯風，因為當日我有秘密武器，
個個都唔準出blog
ML,
回覆刪除答漏你0忝
綠色是"金翡翠餡，內含班蘭、海藻…
我知道同學會full咗, 我意思係我唔知得唔得閒試整!
回覆刪除"金翡翠餡"內含班蘭、海藻, 好似幾清新wor~
請問係咪用蓮蓉做底架?
[版主回覆09/12/2009 11:55:00]我覺得有蓮蓉在內
小三, 我試過醃幾次咸蛋， 最好既日子係36-38日， 試過28日會無油同淺黃色， 試過42日太老，唔香又乾身。 (鴨蛋試過最靚係灣仔街市個間,又大又新鮮 整蠔餅都好正!) 如果宜家醃就趕唔切，因為唔夠日子 我都想自己炒蓮子，宜家鮮蓮子當造，不過自己未試 。 如果早啲過嚟你度，就可以自煮糖槳啦~~Oh遲了! 5月時，醃好咸蛋啲相 38天咸蛋
回覆刪除[版主回覆09/12/2009 11:57:00]好！好！網絡上面都有很多diy餡料，你做成通知我去看看喔~~
小三,謝謝你的分享! 我都諗住今年試下自己整月餅呀!
回覆刪除[版主回覆09/12/2009 12:14:00]去大角咀買材料，包你會做出好成績。
買齊晒料可以開工啦！
回覆刪除[版主回覆09/26/2009 21:43:00]做得非常好，日後是否會轉做中點？
我掛住你個批
傳統廣式月餅模子
回覆刪除自家煮月餅糖槳
出來效果真的好特別
用來成為伴手禮~~表心思
Shirley
[版主回覆09/26/2009 22:02:00]自家做，多了一分心意，
祝你中秋節快樂！
這糖漿好用嗎??我就是要找好的糖漿呀!!!
回覆刪除[版主回覆09/15/2009 00:41:00]這糖漿味濃，我覺得它搶了蓮蓉的香味，
在最後那一張相片有兩顆皮料，
深色是榮發去年加今年的糖漿，淺色才是菠蘿糖漿
謝謝你介紹呀！！ 原本今年我唔打算整gar 喇！！但看完你既介紹又心思思想整!!! 用菠羅做轉化糖。。。係點整架
回覆刪除[版主回覆09/17/2009 01:35:00]土製菠蘿
小三
回覆刪除多謝介紹榮發, 白蓮蓉真係好香. 也順便買了糖漿試下. 想請問你, 用剩的糖漿要入雪櫃嗎? 可以存放到下一年?
謝謝你
[版主回覆09/26/2009 22:09:00]你將餘下糖漿用玻璃瓶密封，我放入廚櫃內，忌水氣及高溫。
小三
回覆刪除多謝. 要趕快買個玻璃樽了.
原來菠蘿可以用嚟煮糖漿, 你真係犀利呀, 係點煮?
回覆刪除菠蘿同榮發的糖漿味道有何分別? 做月餅做同樣咁正?
[版主回覆08/31/2010 16:12:00]我喜歡用榮發的糖漿，因為我去年用菠蘿糖漿，它搶了蓮蓉香.
請問那裏有靚鹹蛋買?是否唔焗原隻蛋王放入饀內会更好/!?thanks
回覆刪除[版主回覆08/04/2011 14:34:00]你要自己買少少試下邊一間鹹蛋靚，才入貨.
我一向是用生鹹蛋王包餡，沒試過其他
小三：你好！先祝你中秋節快樂、身體健康。有嘢向你請教一吓，我都有在榮發買糖漿用，買了很多，未用晒，我便留來第年再用。如果我再做餅皮的時候，請問是全部都用番上年的舊糖漿整抑或是要一部份用舊的糖漿，然後再加入一部份新的糖漿混合才對呢？煩請回覆，謝謝。
回覆刪除[版主回覆03/09/2012 16:27:14]隨你喜歡，兩者都可以